SALSA CONCENATIO

Nudius sextus nonnulli professores (Ludouicus, Raphael, Thomas, Inmaculata, Antonius R., Enmanuel siue Titus, Ioachimus, Bartholomaeus et ego ipsa) conuenimus ad cenandum et gratulandum alumnis qui hoc anno Philologiae Classicae gradum siue titulum adepti sunt: Maria Theresa, Carmen, Miranda, Inmaculata et Reges. Ibi etiam adfuerunt alii alumni qui adhuc classica studia non finiuerunt (mei carissimi alumni Maria, Carmen, Stephania et Hector, et etiam iuuenis Lara) atque una "egressa", ut quidam dicunt, ex nostris candidatis quae ad sumum Doctoris gradum asciscitur, cui nomen est Christina. Grata et iucundissima concenatio fuit, cuius photographemata heri nobis missa sunt ab nostra futura doctrice. De rebus praeteritis et futuris inceptis colloquimur laeto animo uultuque hilaro.
Exopto et spero fore imo ex corde ut illis omnia prospera eueniant!

Comentarios

  1. Anónimo20:34:00

    Mmm, imaginem fucasti, scilicet ut multo antiquiores et classici videremini! :) Sed vultum agnovi, cara Sandra, stantis ad dextram... Nonne?

    ResponderEliminar
  2. Nemo Oudeis2:13:00

    Vobis omnibus gratulor, et discipulis et professoribus, anno academico feliciter peracto.

    ResponderEliminar
  3. Sandra Ramos23:40:00

    Gratias, amice Nemo.
    Huic anno academico fuerunt res ualde pessimae: plurima mendacia -haud minima, haud faceta, haud salsa-, dicta ab academicis homunculis qui politici professoresque uocantur. Sed res optima praecellunt: alumni in studiorum uniuersitatibus ingressi malunt maximorum auctorum salsas falsasque fabulas legere et audire et gustare.

    ResponderEliminar
  4. Sandra Ramos0:49:00

    Certe, mi Thersita, difussa lumina ad photographema addidi idque inueteraui colore luteo usa (uulgo "sepia") ut imago antiquior et classica videretur.
    Quam catus es! et citus usus scriptoria harundine computatrali siue clauiatura (uulgo "teclado")!
    Vtinam ego scribere possim aliquando tam cate et cito quam Thersites!

    ResponderEliminar

Publicar un comentario

Entradas populares de este blog

De reditu

   Post dies aestiuos insolitos et uentosissimos et non tam feriatos quam ipsa uoluissem, et postquam iucunde absoluissem quoddam negotium Matritense, quod mense Augusto exeunte mihi faciendum fuit (de quo plura uobis alias aperiam), reditus tamen in Academiam mense ineunte Septembri tam dulcis quam in domum non fuit. Facultatis aura praerancida redolebat. Capsula epistularum electronicarum denuo mihi imminebat plenissimam dum magis in dies complebatur. Academici coetus me exspectabant insulsi. Probationes quoque discipulis paraui easque recens aestimaui, quas plerique superauerunt non inlaudabiles, sed unum exercitium legi uel pessimum omnium quos umquam, nisi memoria fallitur, euolui. Quomodo aliquis philologiae latinae studere sponte cupit et linguam Latiam pulcherrimam magnopere obterere et calcare potest? Unum aut alterum exemplum quasi crimina laesae Latinitatis afferre possem, ut disceretis me non mentiri neque uerba exaggerare. Sed melius est facinus hoc nunc praetermittere e
Leer más

Angiportum perangustum

Imagen
     Nudius tertius frater, qui alio in oppido Baetico procul a me habitat, imaginem quam in parte sinistra inspicere potestis, lectores candidi, ad me per telephonum gestabile nuntiolo electronico misit, captam dum ipse ambulabat, utpote qui nomine viae viso statim mei recordatus sit.    Sine coloribus vel potius luminibus et umbris descripta imago mihi admodum placuit non tantum quod videlicet testimonium amoris fraterni est verum sincerumque, sed etiam quod semper delectata sum imaginibus ope lucis expressis eis quae ex prima fronte visum fallunt.    Nam ubi primum imaginem spectavi, eam inversum positam esse putavi necnon eius prospectum falsum esse, nam pars clarior imaginis quasi caelum esse videbatur, pars obscurior quasi terram sive mare. In loco autem medio lineae parallelae et tranversae secare videbantur horizontem.     Deinde fenestram externam sive potius maeonium labyrinthi a transeuntibus foris intuitum esse existimavi, ubi pars obscurior tamquam tectulum
Leer más

Orbergiana uaria

Imagen
His in diebus ante ferias Natalicias ualde cumulata sum diuersis laboribus. Praeter sessiones scholasticas in auditorio ministratas et coetus academicos usitatos, mihi legendus est inter alios quidam liber de artibus memoriae saeculo XVI scriptis ad existimationem conficiendam quae in lucem edita erit nostris in commentariis periodicis qui Calamus Renascens inscribuntur, necnon mihi petenda est quaedam probatio laboris peruestigandi per ultimum sexennium . Nihilominus, primarum sessionum Latinarum in Gradu "Humanitatum", qui dicunttur, usque ad diem hodiernum rationem ducere placeret mihi quae nonnullos abhinc menses tantum euoluere libros Orbergianos incohaui. Quindecim alumni in matriculam relati sunt eique inter uiginti et sexaginta annos nati, sed in auditorio assidue adsunt decem. Ad summatim laeta sum, quia plerique uidentur discere plus minusue alacriter. Proxima hebdomade probationem feci: tantummodo una alumna reprobata est. Impraesentiarum in studium cap
Leer más