De rosis nascentibus
![Imagen](https://blogger.googleusercontent.com/img/b/R29vZ2xl/AVvXsEhRkJodX5W-dxKKNHqoYUBiGRC3LmnWQGM_7rwOLWGlRoUNBJflIBvY39eUy0Mr9AMm4aTSprq_1iLj595JbGZfYfL0o9pnwnssiNh40gxxNX6KloZbqccmYIxafRjVPBKE2B9tVGbP1-A/s200/RosaRonsard.jpg)
Gemmis binis singularibus dicatum Heri Familiae Romanae capitulum VII cui titulus est " Puella et rosa " finiuimus. Lente progredimur, probe scio, sed sic res aguntur in Hispanica Studiorum Vniuersitate; hoc autem anno melius quam praeterito . Post lectionem et quaestiones, carmen Latinum pulcherrimum per se illustratum euoluimus: Appendix Vergiliāna : Dē rosīs n ā scentibus Carmen scrīptum ā poētā ignōtō, Vergiliō (s.I a.C) aut Ausoniō (s. IV d.C) tribūtum Collige, virgō, rosās, dum flōs novus et nova pūbes, et memor estō aevum sīc properāre tuum. _________ collige = carpe // virgō = puella // dum = in eōdem tempore ubi… // pūbes = prīma adol ē sc ē ntia // memor estō = in memoriā tenē semper // aevum = annī quōs aliquis vixit, tempus, aet ā s // sīc = hōc modō // properāre = currere, celeriter īre