De quadam margarita Holbergiana


Holbergianum librum legere pergo. Ecce quaedam margarita pretiosa in illo Itinere subterraneo inuenta:

"Grammatici componunt certum genus militiae, pacem publicam turbans. Differunt ab aliis bellatoribus in eo, quod pro chlamyde togis, pro gladio stylo utantur. Aeque pertinaciter hi pro literis ac syllabis, ac alii pro libertate, pro aris, ac focis dimicant."

Alias alia.

Valete

Comentarios

  1. Nemo Oudeis19:55:00

    Perbellam invenisti margaritam de bellicosis grammaticis! Sed plura velim discere de illa "ingravescente de literis Q et K enata inter Doctores controversia" Lutetiae Parisiorum. Putasne auctorem nostrum ad quandam controversiam veram spectare, aut ludere sicut Lucianum qui de vocalum iudicio scripsit? Potesne fieri ut "Q" pro "Pasquier Quesnel" sit posita?

    ResponderEliminar
  2. Sandra Ramos0:42:00

    Adsentior tibi, carissime amice Nemo, margarita perbella est, haec et aliae plurae Holbergianae. Sed de illa controuersia de litteris Q et K inter Doctores Parisios nescio quid tibi dicam. Peruera mihi uidetur. Semper consonantes conclusiuae uelares (sonae et insonae) grammaticis disputationi, poetis lusui fuerunt. Sed iam sileo, uereor ne nonnullus bellatorum grammaticorum grex mihi affigat ad caput litteram C aut K.

    ResponderEliminar
  3. Eduardo del Pino13:20:00

    Neminis enodationem in sua interretiali pagina legi, quam perlucidam mihi uisam est. Cur allusionem ad doctores Parisios facere, nisi de ista Parisina disputatione?

    Litterae latinae plenae sunt margaritis, tot discipulis, euh, ignotis.

    Paginula mea SCRIPTA SUBSICIVA denuo suscitaui ad exercendos Latinos sermones; lectoribus rogans ut, si me erroribus captum uiderent, ad me de eis scribant.

    Vtutpote, in paginula mea nuper incepta fortasse aliquid noui exarare nequeam, ut dicebant Romae renascenti, usque ad post aquas.

    Valete, Cara Sandra (uel Kara!), et amici.

    ResponderEliminar
  4. Sandra Ramos23:40:00

    Gaudeo plurimum, sodalis Eduarde, de noua paginula! Sed nonne dicebas te non multum temporis habere ad scripta subseciua Hispanica, ne quidem Latina in Rete? Num Latine scribere nunc tua interest? Quae causa huius mutationis reuera est?

    ResponderEliminar

Publicar un comentario

Entradas populares de este blog

De reditu

   Post dies aestiuos insolitos et uentosissimos et non tam feriatos quam ipsa uoluissem, et postquam iucunde absoluissem quoddam negotium Matritense, quod mense Augusto exeunte mihi faciendum fuit (de quo plura uobis alias aperiam), reditus tamen in Academiam mense ineunte Septembri tam dulcis quam in domum non fuit. Facultatis aura praerancida redolebat. Capsula epistularum electronicarum denuo mihi imminebat plenissimam dum magis in dies complebatur. Academici coetus me exspectabant insulsi. Probationes quoque discipulis paraui easque recens aestimaui, quas plerique superauerunt non inlaudabiles, sed unum exercitium legi uel pessimum omnium quos umquam, nisi memoria fallitur, euolui. Quomodo aliquis philologiae latinae studere sponte cupit et linguam Latiam pulcherrimam magnopere obterere et calcare potest? Unum aut alterum exemplum quasi crimina laesae Latinitatis afferre possem, ut disceretis me non mentiri neque uerba exaggerare. Sed melius est facinus hoc nunc praetermittere e
Leer más

Angiportum perangustum

Imagen
     Nudius tertius frater, qui alio in oppido Baetico procul a me habitat, imaginem quam in parte sinistra inspicere potestis, lectores candidi, ad me per telephonum gestabile nuntiolo electronico misit, captam dum ipse ambulabat, utpote qui nomine viae viso statim mei recordatus sit.    Sine coloribus vel potius luminibus et umbris descripta imago mihi admodum placuit non tantum quod videlicet testimonium amoris fraterni est verum sincerumque, sed etiam quod semper delectata sum imaginibus ope lucis expressis eis quae ex prima fronte visum fallunt.    Nam ubi primum imaginem spectavi, eam inversum positam esse putavi necnon eius prospectum falsum esse, nam pars clarior imaginis quasi caelum esse videbatur, pars obscurior quasi terram sive mare. In loco autem medio lineae parallelae et tranversae secare videbantur horizontem.     Deinde fenestram externam sive potius maeonium labyrinthi a transeuntibus foris intuitum esse existimavi, ubi pars obscurior tamquam tectulum
Leer más

Orbergiana uaria

Imagen
His in diebus ante ferias Natalicias ualde cumulata sum diuersis laboribus. Praeter sessiones scholasticas in auditorio ministratas et coetus academicos usitatos, mihi legendus est inter alios quidam liber de artibus memoriae saeculo XVI scriptis ad existimationem conficiendam quae in lucem edita erit nostris in commentariis periodicis qui Calamus Renascens inscribuntur, necnon mihi petenda est quaedam probatio laboris peruestigandi per ultimum sexennium . Nihilominus, primarum sessionum Latinarum in Gradu "Humanitatum", qui dicunttur, usque ad diem hodiernum rationem ducere placeret mihi quae nonnullos abhinc menses tantum euoluere libros Orbergianos incohaui. Quindecim alumni in matriculam relati sunt eique inter uiginti et sexaginta annos nati, sed in auditorio assidue adsunt decem. Ad summatim laeta sum, quia plerique uidentur discere plus minusue alacriter. Proxima hebdomade probationem feci: tantummodo una alumna reprobata est. Impraesentiarum in studium cap
Leer más