De Conuentu XII ALF

De Conuentu XII ALF qui Ratisbonae celebratur, cogito: hodie incipit atque usque ad diem XIX producetur.

Cur absum etiamsi incitata sim ipso ab architecto? Nondum bene scio, sed inter alia sodalis nullus iturum esse mihi dixit atque itinera tanta longaque facere mihi incomitatae displicebat stultae.

Quamquam facilius est currentem, ut aiunt, incitare quam commouere languentem, aliquando tamen calcaria maiora sponte currenti addere necesse est.

Comentarios

  1. Eduardo del Pino10:18:00

    Pro dolor! Doleo quod Ioachimus Gaditanus sodalis noster tibi dicere oblitus est. Ego scio se adfuisse, quod in periculis accademicis (se absente) muneribus suis etiam cum meis me pergungere is petiui. Doleo etiam, quod si ego antea sciuerim, nos tres potuissemus reliqua conuenienter componere et tres Gaditani sodales adfuissent. Sed ne curauerimus. Proximo aderimus.

    ResponderEliminar
  2. Eduardo del Pino18:59:00

    Mihi ignoscatis quaeso. Raptim commentariolum meum scripsi et in erroribus incidi.

    Ego sciebam Ioachimum sodalem nostrum Gaditanum Conuentui adfuturum, quoniam me aliquo munere suo accademico (se absente) simul cum meis perfungendum poposcerat.

    Doleo equidem, quod si ego etiam sciuissem antea de Conuentu, nos tres accademica officia conuenienter composita reliquissemus et tres sodales Gaditani Conuentui adfuissent.

    Sed ne curemus. Alii Conuentus erunt. Proximo tres sodales (saltem) Circuli Gaditani aderunt.

    ResponderEliminar
  3. Sandra Ramos13:48:00

    Memoriam meam, sodalis Pinari, fluxissimam omnium esse existimabam, sed alias uel fluxissimas exstare nunc animaduerto. Haud bene intelligo cur sodalis Ioachimus semper tam humanissimus comisque primum non iturum esse ad hunc Conuentum mihi dixerit posteaque mentem mutauerit nihil ad me dicente. Fortasse illi opus sit nouis pugillaribus electronicis, nisi cui placeat itinera tanta longaque facere aliter ac mihi. Spero saltem fore ut ille ex Germania reditus nobis enodet haec atque etiam enarret omnia quae Ratisbonae acta fuerint.
    Ceterum, tibi plane adsentior: alli Conuentus celebrabuntur et tres sodales (saltem) Circuli Gaditani simul aderunt. Superiore Iouis die optima collocutio coram mihi fuit cum nostro Iarcio.

    ResponderEliminar
  4. Eduardo del Pino19:54:00

    Fortasse illi pugillaribus electronicis opus sit, sed ego eos non commodabit, ut in meo "Blogo" dixi, nisi Ciceroni!

    Cum Iarcio equidem colloqui exopto. Ceterum, hos dies antequam Cursus Accademicus incipiat, cogito de incoeptis didacticis nostris: particulatim quomodo res paedagogicas nouas (etiam electronicas) ad textus Taciti docendos adhibere possim. Non aliquid facile mihi uidetur. Sed Genius meus laborat (Minerua fauente, ut spero).

    ResponderEliminar

Publicar un comentario

Entradas populares de este blog

De reditu

   Post dies aestiuos insolitos et uentosissimos et non tam feriatos quam ipsa uoluissem, et postquam iucunde absoluissem quoddam negotium Matritense, quod mense Augusto exeunte mihi faciendum fuit (de quo plura uobis alias aperiam), reditus tamen in Academiam mense ineunte Septembri tam dulcis quam in domum non fuit. Facultatis aura praerancida redolebat. Capsula epistularum electronicarum denuo mihi imminebat plenissimam dum magis in dies complebatur. Academici coetus me exspectabant insulsi. Probationes quoque discipulis paraui easque recens aestimaui, quas plerique superauerunt non inlaudabiles, sed unum exercitium legi uel pessimum omnium quos umquam, nisi memoria fallitur, euolui. Quomodo aliquis philologiae latinae studere sponte cupit et linguam Latiam pulcherrimam magnopere obterere et calcare potest? Unum aut alterum exemplum quasi crimina laesae Latinitatis afferre possem, ut disceretis me non mentiri neque uerba exaggerare. Sed melius est facinus hoc nunc praetermittere e
Leer más

Angiportum perangustum

Imagen
     Nudius tertius frater, qui alio in oppido Baetico procul a me habitat, imaginem quam in parte sinistra inspicere potestis, lectores candidi, ad me per telephonum gestabile nuntiolo electronico misit, captam dum ipse ambulabat, utpote qui nomine viae viso statim mei recordatus sit.    Sine coloribus vel potius luminibus et umbris descripta imago mihi admodum placuit non tantum quod videlicet testimonium amoris fraterni est verum sincerumque, sed etiam quod semper delectata sum imaginibus ope lucis expressis eis quae ex prima fronte visum fallunt.    Nam ubi primum imaginem spectavi, eam inversum positam esse putavi necnon eius prospectum falsum esse, nam pars clarior imaginis quasi caelum esse videbatur, pars obscurior quasi terram sive mare. In loco autem medio lineae parallelae et tranversae secare videbantur horizontem.     Deinde fenestram externam sive potius maeonium labyrinthi a transeuntibus foris intuitum esse existimavi, ubi pars obscurior tamquam tectulum
Leer más

Orbergiana uaria

Imagen
His in diebus ante ferias Natalicias ualde cumulata sum diuersis laboribus. Praeter sessiones scholasticas in auditorio ministratas et coetus academicos usitatos, mihi legendus est inter alios quidam liber de artibus memoriae saeculo XVI scriptis ad existimationem conficiendam quae in lucem edita erit nostris in commentariis periodicis qui Calamus Renascens inscribuntur, necnon mihi petenda est quaedam probatio laboris peruestigandi per ultimum sexennium . Nihilominus, primarum sessionum Latinarum in Gradu "Humanitatum", qui dicunttur, usque ad diem hodiernum rationem ducere placeret mihi quae nonnullos abhinc menses tantum euoluere libros Orbergianos incohaui. Quindecim alumni in matriculam relati sunt eique inter uiginti et sexaginta annos nati, sed in auditorio assidue adsunt decem. Ad summatim laeta sum, quia plerique uidentur discere plus minusue alacriter. Proxima hebdomade probationem feci: tantummodo una alumna reprobata est. Impraesentiarum in studium cap
Leer más