Sigillum academicum

     Nomisma argenteum hodie LXXV professores accepimus a Rectore impositum, quia annum quintum et vicesimum egimus in Universitate Gaditana.

      Quod quidem non est maioris ponderis nec maximi momenti, sed nomisma, quod magno cum honore in scriptorium hoc insulsum condam (quonam melius?), antiquum et pulchrum emblema praebet, quod describere vobis, candidi lectores et lectrices, conabor. In quo enim inspicitur arbor ramis fructuum plenis (quae 'prudentiam' antiquitus significat), cuius tres radices (quod sibi vult Gades esse oppidum antiquissimum circa tria milia annorum) super fluctus marinos natant (quia mare primas partes Gaditanis semper egit), atque ab utroque latere columnae eriguntur binae, quae arborem scientiae protegere videntur, quibus circumcingit titulus decimum laborem Herculis redolens isque divisus in duas partes: videlicet alteri "Non plus", alteri "ultra". Ecce vobis clarius expressum:



Comentarios

  1. MJZamora9:48:00

    Gratulationes magnas tibi facio propter optimam diuturnamque laborem!

    ResponderEliminar
    Respuestas
    1. Anónimo10:21:00

      ;-( labor est substantivum masculinum! Ignosce, magistra, delictum!

      Eliminar
    2. Sandra Ramos13:15:00

      Gratias plurimas tibi ago, magistra! Me 'sapere audere' multos annos perrecturam esse spero!

      Eliminar
  2. Anónimo14:33:00

    Pulcherrimum nomisma! Ex imo corde tibi gratulor!

    ResponderEliminar
    Respuestas
    1. Sandra Ramos13:17:00

      Pulcherrimum haicu gratularorium scripsisti! :) Gratias tibi ago.

      Eliminar
  3. Alhana18:45:00

    Tibi gratulor, optima Sandra! Pulchrum quidem est nomisma quem nobis ostendis.

    ResponderEliminar
    Respuestas
    1. Sandra Ramos13:18:00

      Gratias imo ex corde tibi, humanissima Alhana, ago! Gaudeo quod nomisma Gaditanum tibi placuit.

      Eliminar
    2. dodecafonia20:22:00

      Nuptias argenteas cum Universitate tua celebravisti. Maxime tibi gratulor, cara Sandra!

      Eliminar
  4. Sandra Ramos10:22:00

    Gratias tibi, cara Rosa, ago! Nuptias argenteas quidem simul celebravi et cum Universitate Studiorum et cum conjuge, altera nomisma, alter annulum mihi donavit. Hoc itinere feliciter confecto, reliquum quoque facere perrecturam esse spero eodem cum studio et cura et dilectione.

    ResponderEliminar
  5. Unknown7:33:00

    Tibi ex animo gratulor, Alexandra, quae tantum industriae et ingenii et temporis in haec studia contulisti atque adhuc confers.
    Optime quidem et mirifice de sermone Latino defendendo et propagando merita es.

    ResponderEliminar
    Respuestas
    1. Sandra Ramos11:36:00

      Et ego tibi, humanissime Alberte, gratias ex imo corde ago pro verbis erga me benignis atque etiam quod propter homines, sicut tu ipse, Latinitas gliscit in dies.

      Eliminar

Publicar un comentario

Entradas populares de este blog

De reditu

   Post dies aestiuos insolitos et uentosissimos et non tam feriatos quam ipsa uoluissem, et postquam iucunde absoluissem quoddam negotium Matritense, quod mense Augusto exeunte mihi faciendum fuit (de quo plura uobis alias aperiam), reditus tamen in Academiam mense ineunte Septembri tam dulcis quam in domum non fuit. Facultatis aura praerancida redolebat. Capsula epistularum electronicarum denuo mihi imminebat plenissimam dum magis in dies complebatur. Academici coetus me exspectabant insulsi. Probationes quoque discipulis paraui easque recens aestimaui, quas plerique superauerunt non inlaudabiles, sed unum exercitium legi uel pessimum omnium quos umquam, nisi memoria fallitur, euolui. Quomodo aliquis philologiae latinae studere sponte cupit et linguam Latiam pulcherrimam magnopere obterere et calcare potest? Unum aut alterum exemplum quasi crimina laesae Latinitatis afferre possem, ut disceretis me non mentiri neque uerba exaggerare. Sed melius est faci...
Leer más

Angiportum perangustum

Imagen
     Nudius tertius frater, qui alio in oppido Baetico procul a me habitat, imaginem quam in parte sinistra inspicere potestis, lectores candidi, ad me per telephonum gestabile nuntiolo electronico misit, captam dum ipse ambulabat, utpote qui nomine viae viso statim mei recordatus sit.    Sine coloribus vel potius luminibus et umbris descripta imago mihi admodum placuit non tantum quod videlicet testimonium amoris fraterni est verum sincerumque, sed etiam quod semper delectata sum imaginibus ope lucis expressis eis quae ex prima fronte visum fallunt.    Nam ubi primum imaginem spectavi, eam inversum positam esse putavi necnon eius prospectum falsum esse, nam pars clarior imaginis quasi caelum esse videbatur, pars obscurior quasi terram sive mare. In loco autem medio lineae parallelae et tranversae secare videbantur horizontem.     Deinde fenestram externam sive potius maeonium labyrinthi a transeuntibus foris intuitum esse...
Leer más

Orbergiana uaria

Imagen
His in diebus ante ferias Natalicias ualde cumulata sum diuersis laboribus. Praeter sessiones scholasticas in auditorio ministratas et coetus academicos usitatos, mihi legendus est inter alios quidam liber de artibus memoriae saeculo XVI scriptis ad existimationem conficiendam quae in lucem edita erit nostris in commentariis periodicis qui Calamus Renascens inscribuntur, necnon mihi petenda est quaedam probatio laboris peruestigandi per ultimum sexennium . Nihilominus, primarum sessionum Latinarum in Gradu "Humanitatum", qui dicunttur, usque ad diem hodiernum rationem ducere placeret mihi quae nonnullos abhinc menses tantum euoluere libros Orbergianos incohaui. Quindecim alumni in matriculam relati sunt eique inter uiginti et sexaginta annos nati, sed in auditorio assidue adsunt decem. Ad summatim laeta sum, quia plerique uidentur discere plus minusue alacriter. Proxima hebdomade probationem feci: tantummodo una alumna reprobata est. Impraesentiarum in studium cap...
Leer más