Epitaphium Didaci Garsiae de Paredes "Herculis Hispani" appellati

diciembre 08, 2024

Tandem aliquando convalui viro Covid affecta et meliorem me habeo post multos dies ex capite laborans. Magis in dies vires accipio renovatas ideoque ad hoc scriptorium insulsum redeo novis commentariis, qui autem imagines describunt antiquas ope lucis expressas, cum iter feci iucundum mense Septembri anni 2023 in Turgalium oppidum (vulgo Trujillo).

In Sanctae Mariae Ecclesia Maiore hius oppidi hoc epitaphium clarissimi Didaci Garsiae de Paredes (1468-1533), qui "Hercules Hispanus" appellatur, forte inveni, quod vobsicum, fideles lectrices, candidi lectores, ut mos est mihi, compartiri volo:

Inscriptionem facilem lectu non fuit, nihilominus vobis lectionem offero hanc, e qua si in aliqua parte disentitis, dicatis mihi:

DIDACO GARSIAE DE PAREDES,

NOBILI HISPANO, CAROLI QVINTI IMPERATORIS MILITVM PRÆFECTO, QVI AB INEVNTE ÆTATE IN MILITIA CASTRISQVE SVMMA CVM LAVDE ET INTEGRITATE HONESTISSIMVS SE EXERCVIT FORTITVDINE, ANIMI MAGNITVDINE AC RERVM GESTARVM GLORIA, NEMINI SECVNDVS, CORONIS CIVICIS VALLARIBVSQVE SÆPIVS DONATVS, HOSTES PLVRIES SINGVLARI CERTAMINE SVPERAVIT NEC A QVOPIAM IPSE SVPERATVS PAREM SIBI NVNQVAM INVENIT. VIXIT VNO EODEMQVE CONSTANTI VIRTVTIS TENORE. TAMQVAM STRENVVS ET OPTIMVS DVX DECESSIT, VIR RELIGIOSISSIMVS CHRISTIANVS EX BELLO REDIENS ADVERSVS TVRCHAS IN GERMANIA FŒLICISSIMVS CÆSARE SEMPER AVGVSTO CONFECTO BONONIE K[A]L[END]AS FEBRVARII ANNVM AGENS QVARTVM SESAGESIMVM. STEPHANVS GABRIEL CARDINALIS BARENII AMICO BENEMERENTI EX PIETATE POSVIT ANNO 1533, CVIVS OSSA MANDATO DOMINI SANTII DE PAREDES FILII DICTI DIDACI GARSIE P. RAMIREZ DE MESA EXTRAXIT K[A]L[END]AS O[C]TOBRIS ANNO 1545 EAQVE IN HVNC LOCVM FIDELITER REPORTAVIT.