"Lyra Amphionis" (2025), Anna Elissa Radke auctrice

Hodie natalem diem celebro atque ex terra Germanica munusculum magnum et pulcherrimum accipio, scilicet  aliud volumen poeticum pertinens ad seriem librorum eorum quos inde ab anno 2022 de Ucraina poetria humanissima Anna Elissa Radke composuit. Est volumen sextum et nunc inscribitur Lyra Amphionis (Львів ФОП Bacилик [Lviv (Leópolis, Ucrania), 2025, 48 pp. ISBN: 978-617-8523-09-1), cuius praefationes Anglice et Ucrainice a consocia Lyudmyla Shevchenko, Universitatis Ucrainianae profestrice, conscriptae sunt sub titulo "Ars licet imbellis, sed tamen arma reget".

    Liber hic novissimus continet dedicationem pueri Gregorio Balashov eiusque sorori Catharinae Shevchenko ut memores sint, si legent quondam, vatis et eius obstinatae pugnae pro eorum patria Ucraina. Post "Prooemium libri sexti" unum et quadraginta carmina de argumentis diversis composita sunt, deinde "Horatius armatus" duodecim carminibus advenit, mox decem "Epistulas ad heroa quendam (Partem II)" et postremo undecim carmina "Gregorio et Catharinae" dedicata. In summa Anna Elissa nobis donavit LXXV carmina suavissima "lyra Amphionis" comitata. Ecce vobis ut gustetis carmen aditiale:

 

          PROOEMIUM LIBRI SEXTI

       Deletam ante domum stabam, stabam ante ruinas

          irata et lacrimans: Cur, Domine, haec pateris?

       O utinam nobis Amphion alter adesset,

           qui prius exstruxit moenia firma lyra!

       Alter et Amphion aderit citharaque latina

           altius extollet moenia perpetua.

   Inter omnia carmina hos versos selegi partis c.t. "Horatius armatus", utpote qui de libertate populorum in Europae limitibus habitantium aguntur, strophis Sapphicis concinnatis, quibus Anna Elissa doctissima patriam meam Gaditanam et illam Ludmillae Ucrainensis sapienter coniunxerit:

***

     Interpretationem Hispanice addidi meam quoque usa numeris Sapphicis [i.e. syllabae 11+11+11+ 5] in calce paginae c.t. Sal Musarum.