Entradas

Facetia de suffragio ferendo

Imagen
                   FACETIA
          - Suffragium ferre volo,            sed non possum.
          - Quid tibi obstat?
          - Candidati ipsi.


                'El Roto' dixit et pinxit. Alexandra Latine vertit.

De salibus intra pomeria natis

Imagen
Apud antiquos homines exstabant alii qui 'lepore tinctos Attico sales' narrarent, scilicet sapore subtili et suaui et tenui, alii autem qui 'faceti et salibus vehementes intra pomeria natis' essent.  Inter eos quidem qui sales quidem 'intra pomeria' natos maxime colebat, Marcus Tullius ille Cicero eminebat, utpote cui possessio multarum salinarum esset. Qui enim dicebat 'quicquid erat salsum aut salubre in oratione, id proprium Atticorum esse, e quibus tamen non omnes facetos'. Nam cum salis hanc dicebat suavitatem, ad eam, quae exibat ex ore, referebat; quae quidem ut apud Graecos Atticorum, sic in Latino sermone huius erat urbis maxime propria.

      'Salinae' enim non solum sibi uolunt 'loca amoena ubi omne genus salium fiunt', sed etiam est 'urbanitas' ipsa eaque Romana maxime quae ducit ad 'humanitatem', sicut demonstratur diversis in  locis Tullianis necnon Catullianis, it puta carmen illud quo poeta cecinit haec…

Ecerinis

Cuiusdam tragoediae Latinae eiusque auctoris nomen hodie (in ea pagina cui index 'Twitter' est) didici, quae fabula in medio (quod vocatur) aevo scripta est (rem miram!), scilicet anno 1314, Ecerinis nuncupata, auctore Albertino Mussato Paduano, qui narrat atrocissimi tyrannorum Ecerini tyrannidem, "ut futura aetas, abominandis tyrannicae pravitatis actibus erudita, ab eius clade, ruina ac afflictione sit cautior". Constat enim fabula sescentis undetriginta versibus, quorum quattuor hos selegi ad vivum advenientes, si forte vos allicerent ad tragoediam perlegendam:
Hic rapti ab ubere matris infantis pedes
carpit, tenellum robori allidens caput:
Fuso cerebro sparsus inscribit cruor
genetricis ora.Exstat editio quaedam huius fabulae in rete omnium gentium prolata quae, etiamsi multa alia opera Mussati offerat, mendum pro dolor continet iam in primo verbo ('Quadnam' enim legitur pro eo quod est 'Quidnam'), unde vos ipsi rogo cauti legatis et fulti h…

De stagno oppidano

Imagen
Hodie mane per semitam perangustam 'Trium amicorum' nuncupatam apud quoddam stagnum salsum vestigiis commeantium signatam, jucundam ambulationem confecimus hora et dimidia.

     Hoc apricissimum stagnum lucentis ad imum usque solum lymphae, nitidis argenteum undis nulla fera turbat nec lapsus ab arbore ramus, nisi multae et variae volucres salsum liquoris perspicui cibum petentes.

       Gramineus margo est circa, quem vivo caespite semperque virentibus herbis cinctum proximus umor alit. Extrema quidem ora huius sstagni, modici alioqui, altitudine genua non excedentis, siccatur aestivis solibus totaque in salem fere abit.

     Volup est sub divo sudo per semitam hanc amoenam alacri passu gradiri, quod mihi plusquam dimidium saeculum agenti necesse est crura et coxas saepius movere, unde ubi locorum melius hoc faciam quam apud hoc stagnum amoenum, faciem pulchram loci auramque salsam secuta.

     Dum enim sensus nostri brevibus levibusque voluptatulis oblectantur, dum oculus l…

Duodecim annis

Imagen
Duodecim annis, id est inter annos 292 et 280 a.Ch.n., refertur unum ex septem miraculis orbis terrarum, quod Colossus Rhodius fuit, a Charete Lindio erectum perfectumque esse. Unus autem annus satis superque fuit, ut terrae motu naturali pro dolor! opus hoc mirificum prosterneretur et in terram dejiceretur. Duodecim anni quidem multi esse videntur, sed si magna paruis conferamus, paucissimi sunt. Scriptoriolum hoc insulsum duodecimum annum agit ex quo constructum est, sed spero fore ut nullus terrae horribilis motus id umquam evertat diruat demoliatur. Saepe autem dubito, nam nonnumquam tremores parvos parietes graviter pertentare sentio.



"Ante omnes autem in admiratione fuit Solis colossus Rhodi, quem fecerat Chares Lindius, Lysippi supra dicti discipulus. LXX cubitorum altitudinis fuit hoc simulacrum, post LXVI annum terrae motu prostratum, sed iacens quoque miraculo est. Pauci pollicem eius amplectuntur, maiores sunt digiti quam pleraeque statuae. Vasti specus hiant def…

Felicem annum MMXIX salis plenum lectoribus fidelibus!

Imagen

Querela Musarum

Imagen
Quibusdam litteris pro studiis humanitatis perlectis, Musae hodiernae nihil aliud conclamare potuerunt querulae nisi haec: 

   "O dei boni! O sancte Apollo! Quid hoc est? Quod hoc monstrum? Quod prodigium ad Rempublicam Litterarum miserunt atque in lucem retis omnium gentium ederunt? Magnae Chartae titulum ipsum aequo animo ferre possimus benevolentes, at quis est in toto orbe terrarum qui peritus dicendi prooemium istud Latine (ut ita dicamus) versum legere valeat sine taedio fastidioque? Auctori autem parcetis et nos ipsas hoc tempore spretas atque in carcere vinctas praeque dolore magis non potuisse putate".

De itineribus nuper factis per Hiberiam

Imagen
Intra spatium paucorum dierum initium feriarum Nataliciarum tandem aliquando capiemus, id quod maxima cum aviditate exspecto, nam post ferias aestivas horis otiosis et subsecivis vix frui mihi negotiosae licuit. Satis equidem egi domi forisque, utpote quae praeter pensa academica et symbolas persolvendas ex Hispania Meridionali itinera tria fecerim raeda vecta usque ad Mediam et Septentrionalem et  Occidentalem Hiberiam fere tribus mensibus.

    Primum quidem terram Vasconicam visitavimus, ut cuidam Conventui de Sale interfuerim, ubi etiam pulcherrimas et antiquissimas salinas vulgo "de Añana" nuncupatas spectavimus, sed antequam oppidum Victoriae petiverimus, Salmanticae pernoctavimus fessi, quia Gades extrema terra est omnium quasi in fine orbis, qua de causa necesse fuit iter longum dividere in duas partes.

        Hoc in oppido Salmanticensi (de cuius Academia brevi in alio commentario plura dicam), aedificiorum multorum antiquorum imagines ope lucis expressi non pau…

Tempora mutantur et verba in illis!

Imagen
Hac hebdomade modo delapsa in schola Latina praelegi Martialis duo epigrammata, quorum in altero poeta cum viro colloquitur, altero cum matrona de matrimonio. Si Romanus vir in matrimonium ire et feminam uxorem suam facere volebat, tunc "eam ducebat domum", quod sponsa ad domum sponsi ducebatur per paranymphos et faces praeferebantur, unde faces et taedae saepe pro ipsis nuptiis sumuntur; si autem femina alicuius uxor factura erat, ipsa "ei nubebat",  quia ea erat nupta siue tecta flammeo lutei coloris. Sed vita moresque saepe mutantur, unde homines verba quoque mutant  et locutiones fingunt miras, sicut haec poetae: 
Martialis epigramma VIII 12: Ad Priscum Vxōrem quārē locuplētem[1] dūcere[2] nōlim,
      quaeritis? Vxōrī nūbere[3] nōlo meae.
Īnferior mātrōna[4] suō sit, Prīsce, marītô;
      nōn aliter fīunt fēmina virque parēs[5]. Martialis epigramma X 69:Ad Pollam Custōdēs dās, Polla, virō; nōn accipis ipsa.      Hoc est uxōrem dūcere, Polla, virum.
   Tempo…

Autumnale haicu

"The Last Leaf" 📷Ron Jones pic.twitter.com/awlPUddgU2 — james rees (@jrees04) 14 de octubre de 2018
     'Autumnale haicu' 

      Rami gelascunt
      sed ultimum folium 
      tenax non cadit.