Nudius tertius frater, qui alio in oppido Baetico procul a me habitat, imaginem quam in parte sinistra inspicere potestis, lectores candidi, ad me per telephonum gestabile nuntiolo electronico misit, captam dum ipse ambulabat, utpote qui nomine viae viso statim mei recordatus sit. Sine coloribus vel potius luminibus et umbris descripta imago mihi admodum placuit non tantum quod videlicet testimonium amoris fraterni est verum sincerumque, sed etiam quod semper delectata sum imaginibus ope lucis expressis eis quae ex prima fronte visum fallunt. Nam ubi primum imaginem spectavi, eam inversum positam esse putavi necnon eius prospectum falsum esse, nam pars clarior imaginis quasi caelum esse videbatur, pars obscurior quasi terram sive mare. In loco autem medio lineae parallelae et tranversae secare videbantur horizontem. Deinde fenestram externam sive potius maeonium labyrinthi a transeuntibus foris intuitum esse...
Dulcissimum! Tamquam haec "avena deorum" miseris romanis ignota.
ResponderEliminarQuam miseros Romanos illos antiquos mattea prima hac carentes, quibus autem fortunatis candidissima erat ἡ ἁλιγενής!
ResponderEliminarPulchrum carmen!
ResponderEliminarGratias tibi ago, Mili mea.
ResponderEliminar